Chairman Pakistan Tehreek Insaaf (PTI ) aur sabiq wazeer e azam Imran Khan ne haftay se tehreek shuru karne ka elaan kardiya aur kaha ke jab aap ko cal dun mere sath niklana hai.

Lahore mein wukla convention se khitaab mein Imran Khan ne kaha ke duniya mein kisi ko namaloom phone number se dhamkian dete nahi dekha. Sabiq wazeer-e-azam ne mazeed kaha ke mulk ko sab se ziyada zaroorat qanoon ki baladasti ki hai, hum Pakistan ko mehengai ki duldul se nikalen ge.

Unhon ne kaha ke mojooda sorat e haal mein wukla par barri zimma daari hai, un ka khara hona zaroori hai, qanoon ki baladasti nah ho to phir malik mein corruption hoti hai. Chairman PTI ka kehna tha ke insaaf ka nizaam theek nahi ho ga to mulk ki maeeshat theek nahi hogi, jab tak mulk mein qanoon ki baladasti nahi hoti sarmaya kaari nahi aati.

Unhon ne kaha ke world bank aur aalmi maliyati idaray ( IMF ) ka kehna hai ke Pakistan , Srilanka ban’nay ki taraf ja raha hai, aaj Pakistan mein tareekh ki sab se ziyada mehengai hai. Imran Khan ne yeh bhi kaha ke duniya dekhi hai Ameer aur ghareeb mulkon mein aik farq hai Ameer mulk mein qanoon ki baladasti hai, NAB qawaneen mein tarameem ke khilaaf adalat mein mera case hai, mujhe mulk ke liye wukla ki zaroorat hai .

Chairman PTI ne kaha ke jo bhi aap ko namaloom number se dhamki day to usay wapas dhamki den, usay dhamki den ke izhaar raye ki azadi mera aaeni haq hai. unhon ne kaha ke duniya mein kisi ko namaloom phone number se dhamkian dete nahi dekha .

Imran Khan ne kaha ke jo tashadud Shahbaz Gill par hwa deegar mumalik mein kisi ki jurrat nahi ke aisa tashadud kere, yeh zulm ka nizaam hai yeh jungle ka qanoon hai ke taaqatwar jo chahay zulm kere.

Unn ka kehna tha ke bairooni mulk 5 laakh Pakistani sarmaya kaari karen to karzzzz mangnay ki zaroorat nah parre gi.

Chairman PTI ne kaha ke koi tasawwur bhi nahi karsaktha ke wazeer-e-azam arbon ki jaedad bahar rakhay, Shahbaz shareef aur beton ko corruption cases mein saza honi thi aur woh wazeer-e-azam ban gaye .

Unhon ne istafsaar kya ke hum apne nojawanon ko kya pegham day rahay hain ke chori karna buri cheez nahi? kya yeh pegham day rahay hain ke barri chori karo to koi nahi pakdae ga .

Imran Khan ne kaha ke wazeer-e-azam jahan jata hai paisay mangta hai, Shahbaz shareef ne UN secretary general antonyo gotress ka haath pakar kar kaha ke peesa do mein aur wuzra yaqeen dilatey hain ke chori nahi karen ge.

Categorized in: